|
| 
|
مساء الخير
لقيت الموقع ده بالصدفة طلع لي في البحث، وبصراحة أنا عندي مشكلة أسرية، بابا وماما منفصلين من زمان، لكن اكتشفت إن ماما بتغير من بابا أوي بجد أنا من 19 سنة ماشوفتش بابا خالص لا أنا ولا إخوتي وحرفيا أنا نسيت كل حاجة بجد بمجرد ما جاء حسيت إنه خلاص كأنه معملش حاجة معنا ونسيت وسامحته
هو قرر ييجي يشوفنا من حوالي شهر وفعلا تقابلنا وكنا مبسوطين كأننا أطفال بجد حسيت إني لسه مولودة وحاسة بكسوف وفرحة وكل حاجة حاسة إني مبسوطة لدرجة بجد محدش يقدر يتخيلها بس للأسف ماما مكنتش مبسوطة ولمدة أسبوعين يوميا كانت مضايقة أنا وإخوتي عمالين نحكي لها بكل شغف عن اللي حصل وهي في عينيها حزن وغيرة منه
هي خائفة إننا نسيبها ونروح نعيش معه ومش واثقة فينا خالص وشايفة إننا هنتخلى عنها بسرعة بس إحنا مش هنعمل كده كل لما أجيب سيرة بابا تسيبني وتمشي ودائما تسألني سؤال ساذج أوي وتقولي بتحبيني أنا ولا بابا أكتر ساعتها مبعرفش أرد أقول إيه وببساطة أقولها أنت فتقولي أنت كذابة
الأسبوعين دول خلوني أصفى لبابا وأحس بحب ناحيته حتى بعد حاجات كتير أوي حصلت لي أنا وإخوتي الأسبوعين قدر يعوضني عن 19 سنة من كل حاجة وحشة حصلت هو حاسس بالذنب وبيحاول يعوضنا ماما مش مخليا فرحتي تكمل للأسف ودايما مخلياني حاسة بالذنب وبسكت بقى مبعرفش أفتح الموضوع ده معاها
أنا مش قصدي أهاجم أمي أبدا أبدا أنا قصدي إننا أولادها وشفنا أيام مش حلوة
وهي المفروض تكون مبسوطة عشان إحنا مبسوطين
14/02/2025
رد المستشار
شكراً على مراسلتك الموقع.
الصراحة رد فعل والدتك لا يختلف عن رد فعل أي أم في مختلف الثقافات الغربية والشرقية و خاصة أن والدك ترك رعايتكم اليومية لأمك وحدها منذ فترة طويلة.
ليس من الغريب أن الوضع معقد ومشحون بالعواطف، ومن المهم محاولة تحقيق توازن بين علاقتك بوالديك بمنتهى الاحترام والحب، مع مراعاة مشاعر كل منهما.
بالنسبة لوالدتك، من الطبيعي أن تشعر بالغيرة والقلق، خاصة إذا كانت قد أمضت سنوات وهي تعتني بكم وحدها. قد تكون خائفة من فقدان ارتباطها الوثيق بكم. التواصل المفتوح معها قد يساعد في تهدئة هذه المخاوف. ربما يمكنك طمأنتها بالكلمات بأن حبك لها لا يتغير وأن علاقتك بوالدك لا تقلل من مكانتها في حياتك.
أما بالنسبة لوالدك، فإنه من الجيد أن تعيد البناء معه بعد كل هذه السنوات. احرصي على أن تشاركي مشاعرك تجاهه وتواصلي معه بطريقة صحية تدعم نمو العلاقة بينكما.
مثل هذا التعقيد في العلاقات بين الوالدين سيصل يوماً إلى موقع توازن يقبل به الجميع و لا داعي للقلق. الأهم هو الحفاظ على التوازن والتأكد من أن كل طرف يشعر بالتقدير والحب دون أن يشعر أي منهم بأنك تنحازين لطرف على حساب الآخر.
وفقك الله.
واقرئي أيضا:
في الطلاق.. يفعلها الكبار ويكتوي بها الصغار
أعطوا القرار حقه: خبرة مطلقة
بعد الانفصال يظل الأب مسؤولا عن أولاده!!
بعد الطلاق: أبي وأمي، وأختي تضيع!
أبنائي بعد الانفصال!
تعليقات الأعضاء