هاي يا مجانين
R03;
في البداية كانت علاقتي به عن طريق خطيب أختي في الأول كلمته غصب عني يعنى علشان خطيب أختي وكده وعلشان هو كمان كلامه ليا خلاني أعجب بيه بعد كده أعدنا فتره نكلم بعض وبعد كده بعدنا فترة بسبب صاحبه.
كان دايما يقولي حاجات عن أحمد غلط وبعد كده فوجئت بصاحبه بيقولي أنه بيحبني ساعتها كنت متضايقة أوي وكنت محتاجة أتكلم مع أي حد لقيت نفسي بوافق على صاحبه وعشت معاه كام يوم بجد كنت في غيبوبة ولما فوقت وحسيت الغلط إلي عملته طلبت من صاحبه إننا نبعد رغم أنى عارفه أنه بيحبني المهم بعد فترة كلمت خطيب أختي بعد فسخ الخطوبة كلمته أطمن عليه عادي لقيته بيقولي أنه أحمد أللي أنا كنت بكلمه الأول عايزني كلمته ولقيته بيعاتبنى بكل رقة على موضوع صاحبه وطلب أننا نرجع تانى وافقت لأني كنت حاسه ساعتها أني بحبه بجد.
المهم رجعنا ما كنتش مصدقه انه سامحني رجعنا وقعدت فتره معاه وبعد كده حسيت إن مشاعري أتغيرت من نحيته كلمته وطلبت منه أننا نسيب بعض قبل الأمر وما حبش يضغط عليه ويسال على السبب وطلب منى أني أكلمه عادى ونبقى أخوات وافقت وفضلت علاقتنا على أساس أخوات لكن أنا حسه أني بحبه أوي ومش قادرة بجد أعيش من غيره وخايفة أقوله ما يسامحنيش تاني وخصوصا دي تاني مرة وحاسه برضه أنه لو سامحني أنا مش حقدر أسامح نفسي على اللي أنا عملته ومش عارفه أعمل أيه دلوقتي وخصوصا أني مش قادره أعيش وأنا كده يا ريت تقولى اعمل ايه؟
23/02/2007
رد المستشار
السلام عليكم ورحمة الله؛
أهلا بك يا "سارة" أكثر ما أعجبني منك هو سؤالك لمجانين ماذا تفعلين فأنت بحاجة للمساعدة.
بداية يجب عليك أن تميزي بين العلاقات الاجتماعية والمعارف في الحياة وبين العلاقات العاطفية فليس كل علاقة دافئة أو داعمة فيها حد بيفهمك ويريحك الحديث معه تعني حبا ولكن هذه الحقيقة غائبة عنك مع الكثير غيرها للنقص الواضح في مستوى نضجك والذي يجب أن تسرعي في زيادته ففي عمرك هذا أنت لم تعودي طفلة ولا مراهقة نقبل منها هذا الكم من التقلب والتشتت, كما يجب أن تبني ثقة في نفسك تساعدك في تقرير من تصدقين ومن تصادقين.
أفضل طريقة تكسبك عمقا ونضجا هي القراءة وليس بالطبع قراءة المجلات الملونة ذات الورق المصقول فأنا لا أريد أن يشتت جمال المظهر تفكيرك عن المحتوى. توقفي عن التفكير بأنك تحبين أحمد أو صاحبه وإن كان أحمد يحبك حقا أم أن صديقه أكثر صدقا في مشاعره فغالبا هم أيضا غير ناضجين أو أنهم ببساطة عابثين حد منهم يعديك للآخر تسلية لطيفة غير مكلفة وإيه يعني كام كلمة حب ما يقولوا هو الكلام بفلوس!!
كوني لنفسك صداقات جادة مع أفراد لهم أهداف عامة خارج ذواتهم ورغباتهم الشخصية. لكسر أسر العذاب استعيني في تنمية شخصيتك واكتساب النضج بالقراءة الجادة وحضور المحاضرات العامة فقبل أن تتحدثي يجب أن يكون لديك مخزون من المعرفة يوجه تفكيرك وحديثك ويساعدك بالتالي على اتخاذ خطوات صحيحة لاشباع رغبتك الطبيعية في الاستقرار والانتماء, ومع زيادة ثقتك بنفسك ستعرفين أن مشاعرك ليست حبا بل مجرد ألفة وأنك قادرة على أن تكوني أكثر من مجرد رد فعل لمواقف ورغبات الخطيب السابق وصديقه وصديق صديقه!!!.