قال جدا .. قال!
حل..!؟
مشاركة في : قال جدا .. قال!
أنا بصراحة عندي العكس خالص .... أنا أكثر من مرة قابلت بنات وتعرفت عليهن واللي بيبقى في مخي إن إحنا أصدقاء وبس وممكن توصل للأخوات لكن حكاية إن إحنا نبقى حبيبين مكنتش مدرجة ضمن خطتي خالص وعلشان كده كان معظم اللي أنا كنت أعرفهم من البنات سواء أقارب أو أصدقاء وصرحن لي أنهن بيحبونني بعمل معاهم حاجه غريبة جدا جدا جدا أنا عن نفسي مببقاش راضي عنها ... وهي إن أنا أكرههم في بأي طريقة!
الحقيقة أنا تكلمت عن مشكلتي اللي أنا مش عارف أخرج منها ازاي ... بس المهم إن أنا عرفت مشكلتي هي إيه ويا ريت لو الموضوع ده حد من المستشارين قرأه يا ريت يقول لي أنا صح ولا غلط ....... مشكلتي هي إن أنا مبعرفش أحب لأني أنا تعودت إن الكل في مقام أخوات ليا مش اكتر من كده حتى لو بحبهم يبقى بحبهم زي أخواتي بالضبط وأنا مش عارف أغير الجزئية دي فيا ازاي .... مع العلم إن أنا دلوقتي بحب واحدة ومش عارف أعبر لها عن حبي ازاي .
=> أنا عايز أقول لك لو انت زي الكلام اللي كتبتِه بجد أنا أول واحد هيحبيك وعايز أقول لك حاجة كمان أوعي تحطي نفسك في قالب إن أنت عايزه تبقي في مركز علمي واجتماعي عالي وتنسي إن أنت إنسانه ليها مشاعر وممكن تحب وتتحب
المهم انك تسيبي نفسيك خالص والي مكتوب له إن هو يحصل هيحصل إن شاء الله ومتعمليش زيي يعني أنا كنت ممكن أحب واحدة منهم بس مكنتش بكمل معاها لأني كنت حاطط هدف معين بالنسبة للدراسة .. وكمان كنت شايفه هيافه وكنت أسأل نفسي إيه آخرة الحب ده ؟؟؟
والإجابة كانت ... أكيد مش الارتباط بها لآخر الحياة
يعني بجد لو عشت حياتك عادية هتنجحي إن شاء الله في الحياة العملية والاجتماعية وربنا يوفقك ويوفقني
2/8/2007
رد المستشار
أصعب مشاعر كره هي مشاعر الكره التي تولد بعد مشاعر الحب لنفس الشخص!
فهي كالسماء التي تنطبق فجأة علي الأرض أو كدائرة النور التي كانت تضيء لما حولها ثم يطبق بعدها ظلام ثقييييييييل
فحين يكره الإنسان إنسانا منذ البداية تكون مشاعر الكره في حالة استقرار نسبي لا تستجلب معها مشاعر أخرى رديئة كالاستعداء والحقد ومحاولات الانتقام فقط يكرهه ولا يضعه في قائمة من يود التقرب إليه ولن يفكر أن ينال منه إلا إذا آذاه
لكن حين يحبك أحدا وتتعمد أن تحول مشاعر حبه لك إلى مشاعر كره فلن تجني كرها عاديا فلقد آذيته في الصميم حين جرحت مشاعره وإحساسه وجعلته يدرك خيبته في اختيارك فيشعر بأنه قد غدر بنفسه وما أصعبها من مشاعر ولقد أعطانا الله مهارات إنسانية واجتماعية وذكاء لمن أراد أن يكون ذكيا نبيلا لنستطيع أن نحدد بها العلاقات ونوجهها ونهذبها "بشياكه" دون أن نخسرها
فقط أذكرك...... بأن هناك أناسا كثيرين عاشوا وماتوا دون أن يجدوا قلبا يحبهم بصدق فكانوا أشباحا لا نعلم أأحياء هم أم أموات يتجرعون الوحدة رغم الزحام يستشعرون الغربة رغم دفء الأوطان
فما تفعله وسيلة العاجز أو الهارب ولا أرضى لك بأيهما
وشكرا على مشاركتك