التطور الطبيعي للمرأة

تصرفات أي ست في ثلاثة ولادات........ 

1.-  الملابس 
الطفل الأول .... تلبس هدوم الحمل من أول ما تعرف أنها حامل
الطفل الثاني .... تحاول تلبس هدومها العادية لأطول فتره ممكنه
الطفل التالت.......هدوم الحمل هي هدومها العادية

2 - الإعداد للطفل 
الطفل الأول.... كل دقيقه تغيير للطفل
الطفل التاني.... كل ثلاثه ساعات تغيير للطفل
الطفل التالت...... لما ريحته تتطلع

3 - القلق 
الطفل الأول.... من أول خبطه تجرى عليه وتشيله
الطفل التاني..... تشيله لو حست إن خلاص فيه عربيه ها تخبطه
الطفل التالت.....أحسن....... عشان تتربى....... خلى العربية تدوسك

4 – الأكل 
الطفل الأول..... ترمى أي حاجة تقع منه ع الأرض
الطفل التاني...... تغسلها بشوية ميه وتديهالو
الطفل التالت...... تمسحها ف هدومها وتديهالو

5 - الفسح 
الطفل الأول.... الملاهي... المراجيح... دريم لاند
الطفل التاني...... النادي
الطفل التالت..... السوق

6 - الخروج 
الطفل الأول..... تسيبه مع أختها وتتصل كل خمس دقايق تطمن عليه
الطفل التاني..... تسيبه مع أختها وتفتكر وهي ع الباب تسيب نمرة المكان اللي رايحاه
الطفل التالت..... تسيبه مع أي حد مع تحذير أن ما حدش يتصل بيها إلا في حاله ما يكون في الموضوع دم

7 - في البيت....... 
الطفل الأول..... كل دقيقه تخرج تتفرج عليه وهو نايم
الطفل التاني... من وقت لوقت.. تشقر... أحسن يكون الكلب كل دراعه
الطفل التالت..... تستخبى منه على قد ما تقدر

8 - لو بلع قرش... 
الطفل الأول..... تعمل أشعة... وتفضل لحد ما يطلعوا القرش
الطفل التانى... تقلق شوية وتستنى لآخر النهار.... تشوفه أتهضم ولا لسه
الطفل التالت...... تخصمه من مصروفه......
      ويتبع :.......... التطور الطبيعي للرجل 
اقرأ أيضا:
نصائح وهمية (4) / خلى بالك من عيال اليومين دول.. / عيال صايعة.. بس عندها منطق..!! / ليست شرم الشيخ وحدها.. ياريس..