|
| 
|
عادة سرية قهرية : مرض نفسي أو اضطراب شخصية
ماذا أفعل مع عقلها الصغير ؟
السلام عليكم ورحمة الله وبركاته، أولا بشكر كل القائمين على الموقع ربنا يجازيكم خير على المساعده التي تقدمها للناس، ثانيا أنا مشكلتي إني بحب واحدة ومش عاوز أتخلى عنها والحمد لله ناوي أخطبها قريب خالص في الغالب هيبقى على إجازة نصف السنة عشان امتحاناتي.
المشكلة بقى إن عقلها أطفالي خالص مهما حاولت أوصف مش هعرف تفكيرها تفكير أطفال وعنيدة جدا جدا ولما أحايلها ونتفق على حاجة ممكن ثاني يوم متعملش إللي اتفقنا عليه وممكن وطريقة كلامها وأسلوبها أطفالي حتى في كلامها يعني مثلا سألتني مرة يعني إيه حرباية قلت لها ذي تتقال على الشخص اللئيم الخبيث زعلت أنا وهي وقلت لماما تكلمها عشان نحدد معاد نروح أخطبها عشان لما كلمتها كانت رافضة لأنها خايفة نطلق بعد الجواز بسبب إني كل شوية أقول لها حاولي تتغيري شويه وكدا
فحست إني بقولها إنك وحشة وحست إني مش هستحملها بعد الجواز المهم ماما بتكلمها وقالت لها أنا خايفة يطلقني بعد ما نتجوز عشان هو حرباية... أمي استغربت من كلمها قالت لها هو قال لي إن الوحش اللي مش بيسمع الكلام يبقى حرباية.
قبل ما ماما تكلمها كنت بقولها إني عاوز آجي أنا وأهلي نقابل الحاج اللي أنت قاعدة عنده عشان هي كانت مسيحية وأسلمت وفي شخص بيكفلها المهم بقولها كمان إن ناس قرايبي قالوا لبابا مخطتبش لابنك البنت دي واتصلت بينا كمان نيجي معاكم مش هنجولك خالص هوا بابا مكنش معترض بس هما قالوا كدا عشان ميكسلش.
لما قلت لها كدا قالت لي هما مالهم قلتها عشان بيحبوني قالت لي إنت ممكن تقتلني دا مش جنان لأن هي عقلها متزن وهي أصلا ١٩ سنة وفي ثالثة ثانوي تفكيرها طفولي جدا كمان وهي بتكلم أمي قالت لها يا طنط زعقي فيه جامد عشان خلى معنديش ثقة في نفسي
آه حاجة كمان لما قالت لماما إني مفتري وحرباية ماما بتقولها يعني مش عاوزه تتجوزيه راحت رديت وقالت لها هو أنا قلت كذا وقالت يا طنط ما هو حرباية برضه ممكن نطلق أو يذبحني ماما قالت لها لا دا بيحبك وهو عاقل مش زي ما أنت واخذة فكرة عنه هو قال إن في ناس هيموتوني باين
أنا أتعامل معها إزاي ومع العند بتاعها أنا بحبها والله وهي طيبة وعندي مشكلة إن كل ما أقول خلاص أنا هسيبها أرجع ألاقي نفسي مش قادر وأني بحبها وأنها كمان صعبانة علي.
بالله عليكم تساعدوني وأنا عارف أنكم بإذن الله هتعملوا دا
شكرا وآسف إني طولت هو ممكن أطول أكثر بس قلت كذا كفاية 😂😂
25/12/2019
رد المستشار
شكراً على مراسلتك الموقع ثانية.
أرسلت استشارة أجبت عليها قبل ١٩ يوماً وكانت نصيحة الموقع هو أن تراجع استشارياً في الطب النفسي للكشف عليك. كذلك أشرت في الرد إلى عدم إمكانية استبعاد وجود اضطراب وجداني أو ذهاني لغرابة وارتباك استشارتك المتعلقة حول العادة السرية.
هذه الاستشارة اليوم أكثر ارتباكاً واليوم نصيحة الموقع هي التوجه نحو مركزٍ للطب النفسي للتشخيص والعلاج.
أما قضايا الزواج والطلاق فالموقع ليس مركز للإفتاء في مثل هذه الأمور.
توجه صوب طبيب نفساني.
تعليقات الأعضاء