أحلام اليقظة المفرطة كأسلوب حياة !

استشارة نفسية
 
كنت بنت وحيدة في سن المُراهَقَة. بدأت احلام اليقظة، كنت بتكلم مع ناس مش موجودة، لكن بحكي وأضحك وأبكي. لحد ما دخلت الجامعة في مدينة تانية، وبدأت أكون مع ناس طول الوقت. تقريبًا في الفترة دي أبويا اتجوِّز على أمِّي السِّتّ التعبانة الشقيانة علينا أنا وإخواتي، اتصل عليَّ وقالِّي لك عندي مفاجأة. مش عارفة الحقيقة إحنا عملنا إيه، كان نطع مش بتاع شغل، ودائمًا يعمل عيان، بس العيال بتكبر وبتفهم. وِرِث بيت عن أبوه، وقرَّر إنُّه يتجوِّز. خَلِّف بعد سنة طفل، وقال للناس إن ضافرُه برقبة كل اللِّي خلِّفْهُم. موقف غريب إن عَيِّل بالحفَّاضَة يكون بطالبة في الجامعة. والحمد لله بعد الموضوع ده حرمنا من رؤية الكرامة تمامًا بالنسبة لي لِحَدّ ما مات.
 
المهم اتجَوِّزت وسافرت مع زوجي للخارج، بس تعرَّضت لمواقف مُتعِبَة مع أهله، مثلًا لأنهم كانوا بيستَغِلُّوه، مش عاوزين منه لكن من فلوسه، وهو كان بدأ يفهمهم صح، وقَرَّر إنِّنا نعيش لوحدنا، وده زَعَّلْهُم جدًّا، وبدأوا يشتموني من الغيظ مِنِّي، وأنا مش ردِّيت عليهم، وانتقلنا للعيش بمفردنا. المشكلة إن الحالة اشتغلت، وبدأت أتخَيَّل أنَّهم قُدَّامي وأبدأ أَشْتِم وأَزَعَّق بصوت عالي. كان عندي طفل صغير بيستغرب، وبيفَكَّر إن كلّ دَه له.
 
واستمر الحال، وبعد 20 سنة (دلوقتي) مش بس أقارب زوجي، لكن كل شخص وَثَقِت فيه وخان ثِقَتِي أو عرفت إنُّه تكَلَّم فيَّ من ورايا بكلام مش كويس. أحد إخواتي تزَوَّج بواحدة _ربنا ينتقم منها_ عطَّاطة شوارع، ولازِمها أخبار تجرى بيها من بيت لبيت، وطبعًا لازم تكون أخبار ناس زيِّي قافلة بابها عليها. برجع كل كام سنة أكتشف إنَّها بتكذب وبتألِّف كلام عنِّي أنِّي وحشة معها، وأنا بسكت لأن أ كلمة همسك في أخويا، ووصلت سفالِتها إنَّها تفتح بيتي تستعمله لحسابها.
 
وأنا حالة الوهم أو الأحلام مش شايفة ليها حلّ. هتجَنِّن، أولادى كبروا وأصبح عادي إن ماما تزَعَّق وتصَرَّخ، وده كل لحظة أكون فيها لوحدي (حتَّى في الشارع وأنا ماشية كأنَّها تَسلِيَّة) لكن المُصِيبَة إنِّي حاسَّة بحالة من الغيظ الشديد، وممكن الحالة تزيد والصراخ كمان، وأبدأ أَخبَط الترابيزة مثلًا مِمَّا يُؤدِّي لآلام شديدة في إيدي تستمر لأيام، بتصَرَّف كأن الناس معس بجد، حتى في الصلاة هأشتمهم وهأقول كذا وكذا.
 
مش عندي أصحاب، كانت أُمِّي اللِّي تَوَّفت من 4 سنين بعدما اتبهدلت على إيد السافلة وأخويا ضعيف الشخصية. نفسي أفهم لمَّا أنت تكون مسافر إزَّاي أخوك يفتح بيتك وينَيِّم ناس على فَرشَك من غير عِلمك، كمان خَرَّب أجهزة البيت، التلَّاجة مثلًا.
 
المهم أنا مش عارفة أنا مريضة ولا لا، وفي علاج ولا لا، لأنَّ أعصابي تعبت، وخائفة من السكر والضغط وغيرها من الأمراض من كُترِ النَّرْفَزَة. أرجو إنُّكُم تجاوبوني بسرعة، لأن في ليالي مش بنام، مجرد ما أدخل الفرش تبدأ الحالة، وأنَّها مَعِي طول اليوم في البيت، الحمام، الشارع، الصلاة. حاولت أهرب بأداء الأذكار، لكن لحظة وأنقل من الأذكار للكلام مع الأشباح ده. وأنا مُدرِكَة أنهم مش موجودين لأنِّي لمَّا أشوف حد جاء بسكُت.
 
ساعدوني
ولكم الأجر من الله.
5/6/2021